Maridl...gestern woa sie wieda - "inser stade Stund"...

Ieber so viel Joahr, woa des unser Fixpunkt, a wos dir schun atiam
schlecht gong isch, die "stade Stund" hom mia nit sausn lossn.
Wia hun i mi ollm gfreid, wenn in mei Auto eingstiegn bisch,
und mia losgflitzt sein, zum knisterndn Fuir mit an Stockbrot, an Glühwein und an ungregn Hoangascht mit soviel nette Gleichgsinnte.
Wenn i meine Augn gschlossn hun, bisch wieder entn gsessn
ban Kochlofn, und hosch ma dein verschmetzn Blick zuagworfn während mir der fein Musig und in de stimmigen Texte zuaglost hom. Und zum Schluss, wia ma olle zommen en Andachtsjodler gsung hom, hun i meine Tränen nimmer hinterhebm gekinnt...

Maridl, du hosch ja inzwischn mit'n Martin do obm a musikalische
Verstärkung vun Feinstn bekemm - besser gehts nimmer!
Rockt's lei atiam die Bude und losst's uns gspian, dass enk güat geht.

I vermiss enk...Frohe Weihnachtn!!!🌟
Michi

21.12.2024 21:48 - M.Knaus, Fulpmes i.Stubaitol

Liabe Mama,
eatz ischs nor 4 Munat her!
Es gib viele richtig güate Toge, weil man oafoch woaß, dass dir güat geaht und mir gfollt dar Gedonke am beschtn, dass du göt dein schianschtn und feinschtn Urlaub an in wunderborschtn Örscht wos es göt gebm kun verbringsch!!
Nor kemmen mehr Momente wia Heit zu Oller Seelen in dar Kircha, a sella schiana Messa und bei an jedn Liadl woaß man wia dir des eatz a gfollen tat und nor hoats oan hoalt mehr und man vermisst di sö fescht!!
Und des Vermissn, tüat weah!!!
Man brauch des Vermissn, ober um zu gspiarn, das es echt wor!
Di wahnsinnig gröaßa Liab zu dir Mama, de woar oafoch ECHT und deswegn wearn mir die für immer und ewig vermissn und für immer ewig in insra Herzn gspiarn! Isch oafoch lei schian di kob zu hobm!!
In ewiger Liab❤️🌈

02.11.2024 23:10 - In unsogborer Donkborkeit

Mama,

Nervn, graue Hoor hun i di sicher einige geköschtet, ober du hosch olbm an mi geglab, mi gschpiarn lossn dass i mein Weg moch wear. Learnen hun i vu dir viel kennen und do hosch mar einiges mitgebm fürs Lebm ❤️.
Mir hobm bei dir oanfoch Kinder sein derfn und des probier i sö güats geaht a beim Franz.
Di auf der Olba bsüachn woar immer am schianscht, do hot man oanfoch gschpiarscht wia gearn do öbm bisch.
Zu dein 60er wöllt mar schun Norwegn auchn ober des hobm mir a Johr verschiabm miasn weil do dei Kronkheit kemmen isch. 3 Wöchn woar mar nor Norwegen, DU Mama Elk, Alexandra is Schmunzlmonster und i der Loli 🤭. Epas wos mar ewig in Erinnerung bleibm wearscht. Du hosch oanfoch sö genießn kennen, o scholtn und in Tog eichn lebm. Lourdes hobm mir's eatz leider nimmer gschofft 😢.
Danke dass mar olbm die Daumen gedruckt hosch wenn i mehr bei an Lauf mitgetun hun, des hot mar söviel gebm und wia stolz immer auf mi woarsch 🙏🏼🫂.
Es ratschn, di umormen, druckn,...... di zu bsüachn fahlt mar.
Am Freitog auf der Olba woar asö a schiane Stimmung, olle sein nöamol wegn dir auchn und hobms richtig fein kobt. Man hot gschpiarscht dass a do woarsch.

Du fahlsch mar volle, die Gedanken kreisn lei um di, i woaß ober dass es dir eatz güat geaht, du es fein hosch, koan Weah mehr hosch und des gib mar Trost und Hoffnung. Mir sechn ins mehr und auf dean Tog gfrei i mi eatz schun 🕊.
Danke für olles.

11.08.2024 14:14 - Tommy

Wenn der Tod unsere Augen schließt , stehen wir ihn einem Lichte , von welchem unser Sonnenlicht nur der Schatten ist.

Hallo Tante Maridl

Woß soll i soagn jetzt isch so wiah mar immer gsog hobm . Eigentlich isch man sich so nah und doch holt einen der Alltag immer wieder ein . Und auf einmal ischs nimmer so wiahs man für normal empfunden hat .

So weit im mi zrug Erinnern konn bis zum kloan Pimpf , bisch du immer für alle do gwesn . Und des ein oder andere mol wo man nimmer gwisst hot wiahs weiter giahn soll bisch du auf oamol do gstonden und hosch mit deiner Art vieles ins Positive gerückt . Keine Ahnung wie Ober des hosch du gekennt des war a besondere Kunst von Dir , und obwohl man ganz genau gsechn hot wie weh dir des selber tuat ischs Dir a anliegen gwesn auf andere zu schauen .

I hon des ein oder andere mol mit Dir darüber geredet und im gewissen draus lernen derfen . I für mi hon entschlossen mir des zu Herzen zu nehmen , und siehe da obwohl nimmer do bisch zum reden tuatz zwar weh im
Herzen ober i glab und woas Dir geats guaht Tante Maridl und nur des isch wichtig .

Du hosch so viel toan für ins , leider hot man nit ols retour geben kennen .

Danke Tante Maridl i wünsch Dir eine schöne Reise und das so isch wiahs Dir immer gwunschn hosch .

„Herzstiackl“ des triffts genau , des hobm deine Leut verlorn und des Herzstiackl wear mar olle vermissen .

Ruhe in Frieden

10.08.2024 18:46 - Roland

Liebe Maridl!

Hetz mecht i mi no oamol zu Wort meldn - wos geschtan unbelong...
Des woa koa Begräbnis im herkömmlichen Sinn, es woa a richtig's Abschiedsfescht - so is zumindest mia viakemm.

Gonz asö wia du dir's vadiant hosch!

Sellane liebevolln Gedonken de dei Familie fa die zommgsammlt håt,
de stimmigen Liadlan de da Chör dir no mitgebm håt,
es schiaschte Blau wos da Himml zu bietn kob håt,
und de vieeeeeeln Leit, a sellane de des Gotteshaus des dir soviel bedeitet håt, sunscht eher großräumig umgiahn😉🤭 - sie sein olle kemm, wegn DIR!


Wia schian isch'n des bitte!!!

Do siecht man eascht amol, wen olla du berührt hosch, wem du wichtig woasch Maridl.
Du, de bescheidene Sennerin, de, wenn's gong wa,
am liabschtn es gonze Joah af dein geliebtn Folbesuner verbrocht hat.
Soviele Herzn hosch du mit deiner feinen, oanfochn Art berührt.

Vielleicht is genau des, noch dem sich im Stillen soviele sehnen heintzutoge, in derer ruhelosn, varrucktn Welt?!?
Eppas gonz normals, ursprünglichs, unkomplizierts...wos man
in deiner Nähe gonz automatisch bekemm håt.

Maridl, vagelts Gott va olls und hob's schian entn...mi sechn uns, Michi

10.08.2024 15:52 - M.Knaus

Liabe Tante Maridl,

unzählige Male hoben mir Mamas Puch zu dir afn Falbesuner auchen gequält.
A jeds Mol hat sich rentiert. Ischs nit allweil a Hetz gwesen. Wenn mer ban Stohl vorbei gfoarn sein, hasch schun alleweil oer gschaug und gewunken. Immer mit an strahlenden Lachen hasch ins empfangen, a wenn mer spate drun woarn a Marende grichtet, in Loger woar allweil a Plotz zun ibernachten, und a extrigs Paardl Gummipanzen zun Stolgian hasch a alleweil parat kopp.
I kannt no 100 Zeilen schreiben und es war bei weiten nit alles derzehlt.

I mecht mi oanfach bei dir bedanken für dia schiane Zeit
Oaner fu dia vielen Lausbuaben wos bei dir an Toal fu ihr Kindheit verbrocht hoben

Pfiati Tante Maridl und danke noamal

Andi

09.08.2024 18:56 - Andi Thaler

Liebe Maridl,
oft sind wir Jedlerhofkinder über den "Grebn" rüber zu euch gesaust. Deine Tür ist immer für uns offen gestanden. Vielen Dank dafür. Mögen die Türen für dich jetzt auch offen stehen.

09.08.2024 17:54 - Maria mit Familie, Wien

Du bist nun ein wundervolles Lichtwesen,eine kostbare Seele, die hier auf Erden keine Kraft mehr hatte um zu bleiben.
Möge dir das Paradies jetzt all seine Liebe und Fülle geben.

09.08.2024 12:52 - Melanie mit Famile

Unsagbar schwer fällt uns Allen der Abschied von dir...
Aber wunderschön und unendlich tröstend ist der Gedanke, dass du auf der anderen Seite bereits sehnlichst erwartet wirst!!!

Pfiati Tante Maridl❤️

09.08.2024 08:29 - Für immer in unseren Herzen

Liebe Trauerfamilien,

Von dem Menschen,
den wir lieben,
wird immer etwas
in unseren Herzen bleiben
etwas von seinen Träumen,
etwas von seiner Hoffnung,
etwas von seinem Leben,
Alles von seiner LIEBE!

I glab, Maridl hat bei ganz vielen von uns, ihre Spuren hinterlassen und wir werden Sie in lieber Erinnerung behalten.

Inser Aufrichtige Anteilnahme und ganz viel Kraft und Liebe in dieser besonderen Zeit 🥀

09.08.2024 07:04 - Resi mit Rainer

Nichts war zu spät
Aber vieles zu früh....

Es war ein Stück vom Himmel
Dass es dich gibt

Du hast jeden Raum
Mit Sonne geflutet
Hast jeden Verdruss
Ins Gegenteil verkehrt

Nordisch nobel
Deine sanftmütige Güte
Dein unbändiger Stolz
Das Leben ist nicht fair

Dein sicherer Gang
Deine wahren Gedichte
Deine heitere Würde
Dein unerschütterliches Geschick

Du hast der Fügung
Deine Stirn geboten
Hast ihn nie verraten
Deinen Plan vom Glück

Habe dich sicher
In meiner Seele
Ich trag' dich bei mir
Bis der Vorhang fällt
Ich trag' dich bei mir
Bis der Vorhang fällt

(Herbert Grönemeyer)

09.08.2024 00:01 - Danke für Olles - i vermiss di ganz fest

Als Gott sah,
dass der Weg zu lang,
der Hügel zu steil,
das Atmen zu schwer wurde,
legte er seinen Arm um mich
und sprach: Komm heim.

Liebe Maridl!
I ghalt die so in Herschzl wia du worsch.
Meine aufrichtige Anteilnahme der Trauerfamilie.

08.08.2024 22:40 - Julia Rieder

Wenn die Sonne des Lebens untergeht,
leuchten die Sterne der Erinnerung🌠
....du wirst ein besonders heller Stern sein!! Denn deine Positive und gütige Art werden wir vermissen!
Pfiatdi Maridl🌹🕯

08.08.2024 17:12 - Lisa Platt

Mama❤️,
is Herzstiackl inser Familie!
I bin sö gesegnet, dass i dei Madl sein darf!!!
Du hosch ins Kinder söviel wunderbore Sochn vörgeleb!
Liebe, Güte, Fürsorge, Geduld, Zufriedenheit, Gottvertrauen, um göt a poor darvun auzuzählen!

Di vielen Hoagarschter iber Gott und di Welt wearn mir fescht ohgian!
Dei Stimme, dei Lochn, dei aier Schleichn bei die Geburtstoge vu deine Enkl, deine Umormungen de olbm sö güat getun hobm,
oafoch DU❤️ geasch mir oh!

I gund dir vu Herzn, dass du eatz amol una Weah roaschtn darfsch und i woaß, dass dir güat geaht🌈!

Mama danke für olles,
hun di gonz fescht liab❤️❤️❤️

08.08.2024 06:29 - dei Agnes

Liebe Trauerfamilie

Das Leben ändert sich mit dem,
der neben einem steht und ganz besonders
mit dem, der neben einen fehlt.
Man vergisst nie den Menschen der
einen gezeigt hat, wie sich Liebe,
Vertrauen, Herzlichkeit und Wärme
anfühlt.

Aufrichtige Anteilnahme
Many Gleinser mit Fam.

07.08.2024 16:47 - Many Gleinser mit Fam.

Das Schönste, das ein Mensch hinterlassen kann, ist,
dass man lächelt, wenn man sich seiner erinnert.


Lieber Robi,
lieber Daniel,
werte Trauerfamilie!


Die Mitarbeiter und der Betriebsrat der Wildbach- und Lawinenverbauung entbieten die aufrichtige Anteilnahme.

07.08.2024 11:45 - Wildbach- und Lawinenverbauung Tirol

Liebe Maridl!

Die Sonne in deinem Lachen,
die Sonne in deiner Stimme,
die Sonne deines Wesens,
deine Sonne wird uns fehlen!

Es ist viele Jahre her, da haben wir uns im Krankenhaus das Zimmer geteilt. Du warst trotz deiner Erkrankung immer sooo gut drauf. Dein Humor und deine positive Lebenseinstellung war so bewundernswert.
Trotzdem dass wir uns lange nicht mehr gesehen haben schmerzt es zu lesen, dass du deine letzte Reise angetreten hast.
Pfiati Maridl✨🌹

Mein herzlichstes Beileid an die Familie und viel Kraft.

Gaby

07.08.2024 10:46 - Gaby

Engel ohne Fliagl sein Mensch'n,
dia dir erzähl'n, wos se on dir schatz’n
oafoch weil’s ianen in Sinn kimmt.

Engel ohne Fliagl sein Mensch'n,
dia dir guat tian
weil se so sein, wia se sein.

Engel ohne Fliagl sein Mensch'n,
dia dir noch'nt sein
a wenn se nit do sein.

Engel ohne Fliagl sein Mensch'n,
dia ihre Fliagl im Herz'n trog'n
so dass du se nit sigsch
ober im Herz'n spiarsch.

Maridl, du worsch a so a Engel für mi - und wearsch es a immer sein,
iatz holt do obn im Himm'l.

07.08.2024 07:59 - Sabine

Liebe Maridl,
unendlich traurig sein mir, dass mir di verloren hoben. Und trotzdem vergunden mir dir vu Herzen dein Frieden und dass rasten darfsch. Du worsch so a unfassbar starke Frau. Hasch dei Leiden und alle Schicksalsschläge ohne oanmol zu jammern und mit dein Gottvertrauen tapfer ertragen.
Egal wie bescheiden die Umstände a worn, dei Lachen und dei Mitgefühl für andere isch immer aus tiefstem Herzen kemmen.
Die 8 Almsommer bei dir, inser ‚Sommermama‘ wear i nie vergessen. Do hun meine Kinder schun so manche ‚Show‘ erzählt. Soviel wertvolles hasch du mir beigebracht, übers Leben, übers Zwischenmenschliche, über die Natur und natürlich mit deine Kochkünste. Lei Graukas kriag i bis heit koan zammen… des hun i augeben;) Liebe Tante, DANKE für ALLES, du worsch so a wundervoller Mensch, den i nie vergessen wear. Ruhe in Frieden.
In Liebe Verena

06.08.2024 22:42 - Verena

Mei liabe Seelenfreindin!

Maridl...es woa kloa,
dass der Zeitpunkt des Obschied nemmes mol kimb,
oba so gach, und unter de Umstände des
ieberfoaschtlt wohl ins alle.
Oba i glab, es gib trotzallm KOAN,
der dir hetz nit dei verdiante Ruah vu Herzen gönnt.

Mit dir verliert es Tol a echte Institution!
Du, de für alle und jedn immer a offenes Ohr,
an guatn Rat, an fein Hoangascht,
an treffsichern Schmäh oder
oanfoch eppas guats zum Essn parat kob håt.
I kannt no soviel Schians erzähln Maridl,
des wur wohl en Ruhmen spreng!
Dei Liebe zum Viech, dei feinsinnigs Gspier fa die Natur,
dei unbändiger Lebmswille noch jedn Tiafschlog,
dei tiafe Donkborkeit und nit zu lescht
dei unverruckborer Glabe an en Herrgott, der's schun richtn weat...

Hetz bleib lei mehr, dir vagelt's Gott fa olls zu sogn!!!
Grod no Eppas:
Unsa "provisorischer" Couchtisch aus'ra oltn holzanen Weinkiste mit'n
Nudlbrett drau - der dir so gfolln hat, wire amol ba uns woasch,
dea bleib hetz als fixe Erinnerung an di, liebe Maridl!

So druck i di im Herzn noamol gonz, gonz fescht,
so wia mas ollm gehandhabt hom.
Mia sechn uns Maridl...und bis dahin schick uns adiam a kloans Zoachn.

Olls, olls Liabe!!!
Michi mit Kari, Anika und gonz bsunders Stefanie

06.08.2024 21:55 - Fam. Michaela & Karl Knaus, Fulpmes

Liebe Trauer Familien,
wir möchten unserer herzliches Beileid aussprechen und sind im Gedanken und Gebet bei euch.

“GESTERN warst du noch bei uns:
Mit deinem Lachen, deiner Freude deiner Herzlichkeit.
HEUTE bist du bei uns:
In unseren Tränen, unseren Fragen, in unserer Trauer.
MORGEN wirst du bei uns sein:
In Erinnerungen, in Erzählungen, in unseren Herzen!”

Pfiati Maridl du worsch a so a angenehmer Mensch, danke dafür!

06.08.2024 21:52 - Christine und Helmut Zach